Al ‘Giovanni da Udine’ a van sù sul palc ancje sîs spetatôrs

Daspò chê di martars, ultimis replichis miercus ai 29 aes 8.45 di sere e il dì dopo aes 7.30, par “Testimone d’accusa”, in program al Teatri Gnûf ‘Giovanni da Udine’ . Scrit in origjin tant che conte intal 1925 e po dopo trasformât in comedie teatrâl, al è fra lis oparis mestris di Agatha Christie, la regjine dal ‘zâl’. Suspense, intrics e misteris a son il sâl di une partidure dal ingjan che si siere cuntun dopli colp di teatri, ancjemò no sorpassât. La version direte di Geppy Gleijeses e à un grant cast cun dodis atôrs vuidâts di Vanessa Gravina, Giulio Corso e Paolo Triestino. In plui, ogni sere sul palc a van sù ancje sîs zurâts, sielts tra il public prime dal spetacul. (A.I.) – 28.03.2023