Al ‘Giovanni da Udine’ la musiche tra lis dôs vueris

Al Teatri ‘Giovanni da Udine’ e torne la oparete, un gjenar che nol passe di mode. L’apontament al è par joibe ai 26 cun “Ballo al Savoy” inte version de Compagnia Teatro Musica Novecento, che plui voltis e à cjalcjât il palc dal “Teatrone” cu lis sôs produzions musicâls coloradis. I valzs e duets amorôs si instrecin ai ritmis discjadenâts dal tango argjentin e dal swing in cheste produzion fortunade, ambientade a Nize intal 1932, che e ricjape une des oparis plui innomenadis di Paul Abraham, compositôr di mode inte rafinade Mitteleurope a cjaval fra lis dôs vueris, ma striçant ancje il voli al musicâl. (A.I.) – 25.01.2023