Al torne Beppe Grillo, cheste volte a teatri

Dopo un lunc periodi di cidin, Beppe Grillo al è tornât a teatri cuntun gnûf spetacul: “Io sono il peggiore” (Jo o soi il piês), definît “il spetacul des rivelazions”. L’atôr, comic, personaç televisîf (e ancje politic) al sarà joibe ai 23 al Teatri Gnûf ‘Giovanni da Udine’ cuntun monolic là che al tache dut e ducj, al anunzie grandis rivelazions e che si presentarà intune maniere che il public no lu à mai viodût. Tornant su lis senis, Grillo al fevelarà di religjon, vueris economichis, ambientalisim e de rêt, ma dal sigûr ancje di politiche. (A.I.) – 22.03.2023