Al torne il blues dal desert

Daspò di Dhafer Youssef, ancjemò un grant non ae seste edizion dal festival “Musichis dal mont/Glasbe Sveta”, che al puarte intal cjistiel di Kromberk a Gnove Gurize i protagoniscj de musiche internazionâl. La manifestazion, che e passe di simpri il teritori des dôs citâts di frontiere, e presente joibe al prin di Avost il conciert di Bombino, in colaborazion cul festival “Sexto ‘Nplugged”. La stele dal blues saharian al torne cu la sô musiche, une trame fra ritmis tradizionâi berbars, rock’ n’ roll e melodiis che a difondin la bielece de culture tuareg. (A.I.) – 31.07.2024