Al torne il cine “di gjenar”, compagn dai agns ‘70

Tra orôr pûr e comedie macabre, alte tension, misteri, pôre e tramis criminâls, al torne dai 4 ai 30 di Mai al Visionario di Udin e a Cinemazero di Pordenon il festival “slargjât” Grindhouse, che al celebre il miôr cine european di gjenar. No dome che une imitazion dai modei americans, ma un laboratori ideâl par sperimentâ, compagn di chel che al sucedeve intai agns ‘60 e ‘70. Il prin apontament, joibe ai 4 al Visionario e a Cinemazero, al è cul cine spagnûl “The Elderly” di Raúl Cerezo e Fernando González Gómez. (A.I.) – 03.05.2023