Al torne il concors pai talents dal violin sot dai 13 agns

Il “Piccolo Violino Magico”, un dai concors internazionâi plui prestigjôs par zovin talents dal archet, al rive ae setime edizion. Dedicât ai violiniscj fint ai 13 agns, al jentrarà intal vîf dai 4 ai 9 di Lui a S. Vît dal Tiliment. La competizion e je inmaneade de Academie di arcs “Arrigoni” di S. Vît, sot de vuide dal diretôr organizatîf Domenico Mason e dal violinist rus Pavel Vernikov. Miercus ai 21 aes 8 sot sere, inte Chiesa dei Battuti di S. Vît dal Tiliment, daspò la presentazion uficiâl dal concors, conciert dal Trio Pantoum, vincidôr dal “Premi Trio di Trieste” 2022. (A.I.) – 20.06.2023