Al torne il teatri ‘a bas impat ambientâl’

Sclarî la tutele dai ecosistemis e la menace de crisi idriche traviers il teatri e la musiche. Al torne il festival “I teatri dell’anima”, il prin festival teatrâl a bas impat ambientâl, rivât ae sô decime edizion. La fuarce de nature o sedi “Vis naturae” al è il titul e il teme di chest viaç a contat cul ambient ator, che al tocjarà risultivis, boscs, biotops, cun siet spetacui in provincie di Udin, Pordenon e Gurize. Il diretôr artistic Andrea Chiappori al à sielt di fâ partî il viaç ‘lizêr’ inte nature a Maran, vinars ai 30 inte Risierve naturâl de Val Canal Novo, cu la fieste eco-musicâl di viertidure. Sabide il prin di Lui a S. Martin dal Cjars, omaç al “Mistero Buffo” di Dario Fo cun Jacopo Pittino, pe regjie di Ferruccio Merisi, e domenie ai 2 al Mulin Nicli di Gjavons a Rivis Darcjan, un progjet di Etabeta Teatri su “Fantasiis di aghe e contis masanadis in Friûl”. (A.I.) – 28.06.2023