139
Dopo il dut esaurît de anteprime, Andrea Segre al torne a Pordenon e Udin, cul so ultin documentari “Trieste è bella di notte”. Il regjist al sarà ospit martars ai 31 di Zenâr al Cinemazero di Pordenon (aes 7.15 di sere) e al Visionari di Udin aes 8.30 par contâ il drame plui che mai atuâl dai migrants de rote balcaniche, su lis culinis parsore Triest. Par Segre, il cine, fat ancje cu la poie de Regjon e de Friuli-Venezia Giulia Film Commission, al è “une trame corâl di timps e spazis no lineârs, un corisi daûr di memoriis e di sperancis, di video framents e contis cjapâts in direte, di bruts siums passâts e pôris futuris”. (A.I.) – 30.01.2023
