44
La fuarce espressive des mascaris de Familie Flöz e rive intal circuit dal ERT par dôs seradis. “Teatro Delusio” al larà in sene joibe ai 20 tal Teatri comunâl “Marlena Bonezzi“ di Monfalcon, dulà che al è za dut plen in prevendite, e vinars ai 21 li dal “Benois De Cecco” di Codroip. “Teatro Delusio” al è un dai spetacui plui innomenâts de compagnie internazionâl di Berlin, nassude intal 1996 e specializade inte riscuvierte dal teatri cu lis mascaris, e al zuie cui tancj aspiets diferents dal mont teatrâl. (A.I.) – 19.02.2025
