Al “Verdi” di Pordenon une stagjon cun cuasi 50 propuestis

Dopo un Istât plen di propuestis artistichis, il Teatri “Verdi” di Pordenon al è pront a tacâ tra la fin di Setembar e Otubar cu la gnove programazion de stagjon 2023/2024: adiriture 44 spetacui tra teatri, musiche e danze, cun concierts in esclusive, grancj protagoniscj de sene teatrâl e ecelencis de danze internazionâl par confermâsi tant che teatri bon di esprimi progjets origjinâi. I consulents pe prose e musiche Claudia Cannella e Roberto Prosseda a àn sielt nons di valôr tant che la Budapest Festival Orchestra direte di Iván Fischer, che e vierzarà la stagjon ai 22 di Otubar, o Kirill Petrenko, pal finâl il prin di Jugn. Pal teatri, previodudis rileturis inovativis di tescj classics e contemporanis cun cualchidun dai regjiscj e dai atôrs plui innomenâts, e inte danze apontaments esclusîfs (Carolyn Carlson Dance Company, Hervé Koubi…). (A.I.) – 06.09.2023