La bielece e pues salvâ il mont e la bielece e je esprimude te musiche. Cun chestis peraulis, Alessio Allegrini al presente la Orchestre che lui al à fondât e il conciert che al direzarà joibe ai 24 tal Teatri “Verdi” di Pordenon. Cu la esibizion potente de Human Rights Orchestra, che e met adun sessante elements des orchestris plui prestigjosis di dute Europe intun progjet musicâl e umanitari – sotlineât dal fat di doprâ violins, violis e violoncei rigjavâts dal len dai natants dai migrants – si alçarà il sipari su la programazion 2024/2025 dal teatri di Pordenon. Il gnûf consulent musicâl, il pianist Alessandro Taverna, al sarà ancje un dai protagoniscj sul palc par un program di valôr ancje simbolic, cun musichis di Verdi, Rachmaninov e Dvořák. (A.I.) – 23.10.2024
Foto di F. Parenzan
