Al “Verdi”, visitis daûr lis cuintis

Dopo il sucès des edizions passadis, a tornin a tacâ, in viste dal aniversari dai 20 agns de costruzion dal gnûf teatri intal 2005, lis visitis teatralizadis ideadis dal “Verdi” di Pordenon par permeti a ducj un piçul viaç ae scuvierte de sô storie e dai siei spazis. Tacant dal prin apontament di domenie ai 15 aes 11 di matine – e in repliche ai 20 e ai 27 di Otubar e ai 24 di Novembar – il public al ven invidât ancjemò une volte a cognossi i lûcs plui “segrets” e iconics dal “Verdi”, spalancant lis puartis dai camarins, dal palc e di ducj i “daûr lis cuintis”. Al public e sarà ufierte cussì la ocasion di cognossi di dongje i struments dal mistîr e di capî cemût che si prepare un spetacul, de sô nassite fint ae viertidure dal sipari, intant che Alessandro Maion e Caterina Bernardi a saran protagoniscj di piçui spetacui. (A.I.) – 12.09.2024