Al Visionario si mangje ‘asiatic’ ancje prime dal cine

Il Far East Film Festival 25 al è daûr a rivâ a Udin: par nûf dîs, dai 21 ai 29 di Avrîl, i rifletôrs internazionâi a saran pontâts sul Teatro Nuovo e sul Visionario. Se il Visionario, spietant di tacâ, al à metût a pont une rassegne che e celebre la bielece dal cine orientâl, ancje a Casa Ramen Visionario al è tacât uficialmentri il cont par ledrôs, cun dôs viertiduris straordenariis. Ative di Dicembar a Jugn cul cogo milanês Luca Catalfamo, Casa Ramen Visionario e à decidût di anticipâ aes 6 sore sere il propri orari abituâl par dâ acet al public di “Happy Birthday Far East Film!”  martars ai 14 e martars ai 21 di Març, ufrint doi menûs speciâi di cerçâ prime de jentrade in sale. (A.I.) – 13.03.2023