Al Visionario un documentari su Zigaina

Miercus ai 29 aes 6.30 dopomisdì, li dal Visionario di Udin, al sarà proietât il docufilm ”Giuseppe Zigaina” fat di Antonia Pillosio pe Rai. Un filmât che al conte l’artist traviers lis peraulis di cualchi persone che lu à cognossût e lu à frecuentât: dal editôr Carlo Feltrinelli al stampadôr Corrado Albicocco; dal galarist milanês Ruggero Montrasio ai critics di art Marco Goldin, ai rapresentants di istituzions museâls tant che Giuseppe Bergamini, Vania Gransinigh e Isabella Reale. Ma al è il ricuart de fie Alessandra, intervistade inte cjase di famee, a contribuî ae definizion de figure dal grant artist intal mût plui svicinât, personâl, emozionant. (A.I.) – 28.05.2024