Al Zanon i “cerviei creatîfs” dal gnûf jazz

Musiche jazz e une analisi des trasformazions de musiche moderne a son al centri de edizion decime setime di “Note Nuove”, la rassegne ideade e inmaneade di Euritmica, che e tache miercus ai 14 li dal Auditorium Zanon di Udin cul duet formât di Michael League e Bill Laurance, cerviei creatîfs dai Snarky Puppy, un grup ben cognossût dai apassionâts dal gnûf jazz. A Udin a presentin “Where You Wish You Were”, la lôr bande plui intime, cun il piano e il bas al centri, inricjîts di struments tradizionâi. Ai 26 di Març li dal Palamostre la rassegne e ospite il pianist sudafrican Abdullah Ibrahim, une liende vivente dal jazz mondiâl, ai 16 di Avrîl la pianiste Rachel Z. cuntun grup là che al sune ancje il grant baterist Omar Hakim. (A.I.) – 13.02.2024