Amelio in Friûl cul cine zirât achì

A doi agns di “Il signore delle formiche”, Giovanni Amelio al torne in Friûl-Vignesie Julie par presentâ il so gnûf cine “Campo di battaglia” (Cjamp di bataie), in concors ae Mostre dal Cine di Vignesie e zirât propit inte nestre regjon (intal “trailer” di presentazion si pues ricognossi za Vile Manin!), cu la poie de Fvg Film Commission. Cun lui ancje il protagonist dal cine, Alessandro Borghi, domenie ai 8, prime tal Kinemax di Gurize, po dopo tal Visionario di Udin e tal ultin a Cinemazero di Pordenon. E je la storie di doi militârs, uficiâi miedis, che a lavorin intal stes ospedâl militâr, intant che sul front di vuere, propit bande la fin dal conflit, si difont une specie di infezion che e colpìs tant di plui des armis dal nemì e che e infete ancje la popolazion civîl… (A.I.) – 07.09.2024