130
La centesime prime stagjon di concierts dai Amîs de Musiche di Udin si siere cuntun recital di Roberto Cappello. Il pianist innomenât al sarà sul palc dal Palamostre miercus ai 12 aes 7.22 sot sere, cuntun program dal titul “Il cjamin mistic de anime”. Dopo une schirie di concierts di grant valôr artistic, cetant preseâts dal public, la stagjon si siere cuntun grant musicist virtuôs che, par sieltis artistichis, titui e cariere, al è al plui alt nivel dal conciertisim internazionâl. La sô art interpretative e nas di une rafinade sensibilitât musicâl e spirituâl, simpri segnade di un impegn culturâl e inteletuâl inte sielte dal repertori, indreçât a esaltâ i contignûts plui alts. (A.I.) – 11.04.2023
