Ancjemò Arlechin, ma par esperts

Ae aziende agricule Borc des ocjis di Voleson, miercus ai 5 aes 9 di sere, la rassegne “L’Arlecchino errante” e va indevant cun “Le storie di Pulcinella e della Gegia”, di Giovan Battista Basile, un spetacul de compagnie Hellequin cun Giulia Colussi e Lucia Zaghet, cun la regjie di Ferruccio Merisi. Nol è un spetacul par fantats, ma par esperts, intendents, colezioniscj, amants dal anticuariât e dal artesanât, cun doi atôrs che a interpretin fintremai 30 personaçs e la volontât di rivisitâ e ripuartâ in vite ciertis parabulis preziosis dai “vanzelis” popolârs. (A.I.) – 03.10.2022