Ancjemò une volte il mestri rus a Tavagnà

Un musicist che al à volût simpri lâ ‘indenant’, cjatant inte sô straordenarie maniere di sunâ il piano une ispirazion simpri gnove e origjinâl ancje par interpretâ il repertori plui classic. Ancjemò une volte, Grigory Sokolov al presente lis sôs interpretazions poetichis inte stagjon dal “Bon” di Culugne, martars ai 13 tal Teatri di Felet. Il pianist rus al è une stele internazionâl e al sune cuntune intensitât mistiche e cuntune cognossince profonde des oparis che a fasin part dal so larc repertori. I programs dai siei recital a cjapin dentri ogni robe, des trascrizions de polifonie sacre medievâl a dut il repertori classic e romantic, fin aes composizions dal secul vincjesim. (A.I.) – 13.02.2024