Anteprime par “Enoarmonie” a Rutârs

Domenie ai 26, aes 6 di dopomisdì, la Cantine Jermann di Rutârs e ospitarà une anteprime speciâl de edizion 2025 di “Enoarmonie”. Un conciert speciâl parcè che al segne il festival che al torne intai grancj spazis de cantine e un program dut dedicât ae Zornade de Memorie. Protagoniscj musicâi dal apontament a saran Lucio Degani al violin, Markus Berthold ae viole, Frieder Berthold al violoncel e Andrea Rucli al piano, intant che lis trê cercis dai prodots famôs de aziende a saran acompagnadis dai intervents dal critic musicâl Angelo Foletto, amì e ospit de associazion “Sergio Gaggia” e une des firmis dal cuotidian “La Repubblica”. Lis musichis a varan dutis une relazion cul mont ebraic, di Bruch a Mendelssohn e Mahler. (A.I.) – 25.01.2025