Anteprimis di “Dedica”: si tache cuntun conciert

Il viaç musicâl dai Yalda al scree lis anteprimis di “Dedica Festival” 2025 cuntun dopli conciert, a jentrade gratuite, in program joibe ai 13 intal Auditorium Burovich di Siest, inmaneât in colaborazion cun “Sexto ‘nplugged” e cu la poie dal Comun di Sest, e vinars ai 14 a Triest, tal Hangar Teatri. L’avigniment al segne il principi dal percors di Anteprima Dedica 2025, che fint ai 6 di Març al passarà il Friûl-Vignesie Julie cun 13 avigniments in ancjetantis localitâts, acompagnant il public bande il cûr de rassegne, che si tignarà a Pordenon dai 15 ai 22 di Març, cun protagonist il scritôr iranian-olandês Kader Abdolah. Yalda al è un progjet musicâl nassût intal 2020 a Gjenue, che al propon une atmosfere ipnotiche e apassionante, e cun influencis de culture persiane. (A.I.) – 12.02.2025