Anzovino a Aquilee: il brut timp al cambie la date

Dopo la alerte meteo de Protezion civîl pal brut timp di vuê, e je cambiade la date dal “Conciert pe Pâs” dal pianist e compositôr pordenonês Remo Anzovino, che al jere previodût in Place Patriarcjât a Aquilee joibe ai 5, aes 9 sore sere. Al vignarà recuperât ai 20 di Setembar, ma in Place Cjapitul. Dopo di chest cambiament, par partecipâ ae gnove serade – simpri a jentrade sore nuie – bisugne fâ une gnove prenotazion sul sît Eventbrite.it. (A.I.) – 05.09.2024