Aquilee: dopo il concors, i grancj ospits

Serade di premiazions ae decime cuarte edizion dal “Aquileia Film Festival”, rassegne internazionâl di cine archeologjic. Vinars ai 4 al va in sene l’ultin dai cines in concors e, in sierade, e je previodude une conversazion cun Licia Colò, condutore di “Eden-un pianeta da salvare”, di simpri impegnade inte difese dal ambient. Dopo une polse, la rassegne e torne a tacâ lunis ai 7 e martars ai 8, cun dôs seradis fûr concors e ospits tant che Gigi Delneri, Emilio Rigatti, Francesco Tullio Altan e i protagoniscj dal cine “Le donne di Pasolini”, prodot ancje de Fondazion Aquilee. (A.I.) – 03.08.2023