La grande danze contemporanie e torne protagoniste tal Teatri “Paolo Maurensig” di Felet cuntune gnove tape di “Off Label”, la rassegne par une gnove danze de compagnie Arearea, fate inte suaze dal progjet “Arearea Dance Library”. Vinars ai 28, la compagnie e proponarà doi dai siei ultins lavôrs, puartant sul palc ancjetantis tematichis plui che mai atuâls: la inteligjence artificiâl e i confins. Il dopli apontament al scomençarà aes 7.30 sot sere intal foyer cun “Nexus Luminoso”, ideât di Anna Savanelli in colaborazion cun Spazioersetti, su elaborazions musicâls di Wattabass. Il public si cjatarà imerzût in maniere leterâl intal spetacul, in graciis de dotazion tecnologjiche dal teatri, cu lis proiezions video che lu cjaparan dentri, puartantlu a une riflession su la inteligjence artificiâl: puedial un program gjenerâ un spazi senic gnûf? Po dopo, i spetatôrs a jentraran in sale par “Inside human being”, l’ultin cjapitul de trilogjie ideade de coreografe Valentina Saggin, creade cun Irene Ferrara e Angelica Margherita sul teme dal confin/limit: ven a stâi, l’om cun e cuintri se stes. (A.I.) – 27.02.2025
Foto di A. Rizzi
