Battiston al torne in Friûl, ma dome al cine

Nassût a Udin, un dai grancj nons dal cine talian, l’atôr Giuseppe Battiston al sarà di gnûf inte sô citât, lunis ai 16 di Zenâr, invidât dal cine Visionario. Aes 8 di sere, al presentarà al public udinês il so prin lavôr tant che regjist, “Io vivo altrove!”, ispirât in libertât a “Bouvard et Pécuchet” di Gustave Flaubert. La storie di doi oms disingjanâts de vite che a decidin di lâ a stâ in campagne par fâ i contadins, il cine al è stât zirât in Friûl, dulà che al è ambientât, e tantis senis a son stadis ospitadis dal piçul borc di Val di Sofumberc, “il puiûl dal Friûl”. (A.I.) – 11.01.2023