Ben Harper, la stele americane e rive infin a Palme

Martars ai 2 al rive finalmentri in Friûl la rockstar americane Ben Harper, event saltât l’an passât pe situazion sanitarie. Se il tour programât pal 2021 al jere solist e acustic, chel che al è daûr a zirâ la Europe al viôt la rockstar americane compagnade de sô band storiche, i Innocent Criminals: martars ai 2 in place Grande a Palme, la prime des sîs tapis talianis di chest artist ecletic cun 20 album al atîf e trê Grammy. Intal ultin disc publicât di pôc, “Bloodline Maintenance”, Ben Harper al fronte i problemis sociâi dai Stâts Unîts e ancje la sô vite, ma in tour al presente ducj i grancj classics de sô cariere. (A.I.) 01.08.2022