Bertolino in regjon: ridi par sorevivi

Il comic Enrico Bertolino al è di gnûf in tour cul so gnûf spetacul, prodot dal Teatri Miela/Bonawentura di Triest, par vot seradis intal Circuit dal ERT. Il comic, atôr, scritôr e condutôr radiofonic e televisîf al tache dal “Sociale” di Glemone martars ai 12 par “Una serata di ordinaria ironia”. Po dopo al sarà miercus ai 13 li dal Cinecity di Lignan, joibe ai 14 a Cordenons e vinars ai 15 tal Teatri Italia di Pontebe e la setemane che e ven a S. Denêl, Listize e Premariâs. Il spetacul, fat dut di bessôl, e je une conte de realtât, di frontâ cui unics antidots pussibii par sorevivi: la ridade e la ironie. (A.I.) – 11.11.2024