Bollani cu la Orchestre dai zovins furlans a Udin e a Triest

Vinars ai 9, i 68 musiciscj da orchestre dai zovins Filarmonici Friulani, che dal 2015 e à tirât dentri plui di 250 strumentiscj dai 18 ai 35 agns di dute Italie, in passe 200 avigniments, a sunaran cul innomenât pianist jazz Stefano Bollani, aromai une stele ancje de television. Sot la direzion di Ferdinando Sullo, i sunadôrs a presentaran dôs seradis in esclusive: la prime al Teatro Nuovo Giovanni da Udine (za dut plen) e sabide ai 10 in repliche al Politeama Rossetti di Triest. In program, musichis di George Gerswhin e il “Concerto azzurro” scrit propit di Bollani. (A.I.) – 08.06.2023