Calvino let cun lizerece dal comic Hendel

Paolo Hendel al torne intal circuit Ert cuntun spetacul dedicât a Italo Calvino a cent agns de nassite. “Viola e il Barone” al è il titul dal spetacul che al vierzarà la stagjon dal Teatri “Italia” di Pontebe, joibe ai 16, e dal Auditorium comunâl di Talmassons, vinars ai 17. Par costruî il spetacul, acompagnât sul palc di Renato Cantini e Michele Staino, il comic toscan al à sielt dome leturis là che si sint fuart la olme de lizerece cjare a Calvino, che si cjate fûr soredut inte sielte di rafinade ironie di contâ lis storiis de trilogjie “I nostri antenati”. (A.I.) – 15.11.2023

Foto di A. Botticelli