Intal aniversari dai dusinte agns de muart di Canova, la RBR Dance Company e puarte intai teatris dal circuit Ert il spetacul “Canova spiegato – gli illusionisti della danza”, martars ai 7 al “Modena” di Palme, miercus ai 8 al Odeon di Tisane e joibe ai 9 al Comunâl di Monfalcon. Il spetacul al è une interpretazion origjinâl dal lavôr dal esponent massim dal Neoclassicisim in sculture e al viôt in sene siet artiscj, protagoniscj di une conte danzade sul ambient. La RBR Dance Company, di agns impegnade in progjets di art pe sensibilizazion al rispiet dal ambient, cun cheste gnove creazion ispirade a Canova e vûl fâ partecipâ il spetatôr a une vere e proprie traslazion, là che lis oparis a cjapin forme intal mont contemporani. (A.I.) – 06.03.2023
Canova: il scultôr dal Sietcent contât cu la danze
200