Centenârs di vôs pe Fieste de musiche

La Fieste de musiche e je une rêt internazionâl che e coleghe realtâts locâls par celebrâ une art che e unìs di là des distancis. Ancje il mont corâl al partecipe a cheste iniziative, che e previôt la realizazion di concierts intal dì dal solstizi di Istât e in chei dopo. La federazion nazionâl des corâls Feniarco e je socie de Associazion taliane pe promozion de Fieste de musiche, che chest an e celebre il trentenâl cun 180 concierts in 19 regjons e in 124 citâts talianis. La USCI, union des corâls dal Friûl-Vignesie Julie, e à rispuindût al invît cun 19 apontaments in program a Monfalcon, Triest, Flumisel, Gurize, Grau, Udin, Vile di Cjargne, Gonârs, Purcie, Staranzan, Udin, Murùs e Spilimberc. Dai 20 ai 23 di Jugn, centenârs di coriscj a interpretaran il sens de fieste cuntune grande varietât di propuestis a jentrade libare, ancje in spazis no convenzionâi: di là di basilichis e salis di conciert, tes placis e tai cjamps sportîfs, tes salis parochiâls, tes bibliotechis, tai agriturisims… (A.I.) – 19.06.2024