Chailly al siere la stagjon sinfoniche dal “Teatron”

Al è un dai apontaments plui spietâts il conciert che joibe ai 16 al siere la vincjesime setime stagjon sinfoniche dal Teatri Gnûf “Giovanni da Udine”, fate cu la poie de Fondazione Friuli. Protagoniscj a saran la Filarmonica della Scala di Milan, une des massimis istituzions musicâls talianis di liriche e sinfoniche, fondade di Claudio Abbado intal 1982, il so diretôr principâl Riccardo Chailly – pe prime volte ospit sul palc furlan – e Alexander Malofeev, famôs daspò de sô vitorie al concors Čajkovskij di Mosche dome a tredis agns, l’ultin fenomen de grande scuele pianistiche russe. Chê di Udin e je la prime tape de tournée internazionâl che intai dîs che a vegnin e puartarà chescj artiscj straordenaris a sunâ a Praghe e in Lussemburc. (A.I.) – 15.05.2024