Chicago, il debut a Gurize cence la atore principâl

Musiche jazz, cjançons spetacolârs e coreografiis sorprendentis: cheste la misture che e à fat di “Chicago” un dai musical plui cognossûts di Broadway e un di chei plui innomenâts. La gnove edizion taliane dal spetacul e rive tal Teatri “Verdi” di Gurize miercus ai 15, tant che prin apontament dal cartelon di events de stagjon artistiche 2023/2024. La regjiste Chiara Noschese e sarà ancje sul palc, intant che Stefania Rocca, par vie di un probleme di salût, e darà la volte a Vittoria Sardo. Scrit di trê autôrs di ecelence, “Chicago” al à viodût cressi la sô innomine internazionâl dopo la jessude dal cine intal 2002 (sîs premis Oscar). Dopo il debut a Broadway intal 1996, in passe 25 agns il musicâl al è stât rapresentât in 36 Paîs. (A.I.) – 14.11.2023