Cine di mont dal Canadà al Friûl

A son cuasi cuarante i avigniments in program pe decime prime edizion dal BANFF – Mountain Film Festival World Tour Italy, la rassegne cinematografiche dedicade ae mont e al ambient, che dal 2013 e puarte in Italie lis miôr produzions presentadis inte suaze de manifestazion omonime in Canadà. Ancje chest an il BANFF al rive a Udin, miercus ai 15 al Cine Centrale aes 8 di sere. La esplorazion dai lûcs salvadis, la gjonde de condivision, la libertât di movisi inte nature plui pure: in ogni serade dal BANFF al sarà proietât il stes program di nûf cines (curts e medimetraçs) di dut il mont, che a contin di piçulis e grandis impresis, di storiis di amicizie e di travuarts straordenaris. Ospit in sale al sarà il scjaladôr professionist Alessandro Zeni, nassût e cressût da pît des Palis di S. Martin. (A.I.) – 14.03.2023