Cine mut: un altri cine di un secul indaûr

L’apontament mensîl a Pordenon cu lis “Seradis di Cine Mut (oparis mestris centenariis)”, la rassegne che e torne a proponi la vision dai grancj cines di un secul indaûr fate di Cinemazero in colaborazion cu lis Zornadis dal Cine Mut e la Cineteche dal Friûl, al è fissât par martars ai 25 aes 8.45 sore sere cun “Il fu Mattia Pascal”, un cine francês dal 1925 di Marcel L’Herbier. Il cine al è stât zirât in doi studis parisins e pai esternis in Italie. Tra i atôrs al à ancje Michel Simon, al so esordi tal cine. La rassegne e larà indevant ai 25 di Març cun “Il ventaglio di Lady Windermere” (Lady Windermere’s Fan, 1925) di Ernst Lubitsch e ai 29 di Avrîl cun “Varieté” di Ewald André Dupont (1925), tal mês di Mai si siere cun “Le due madri” (Lis dôs maris). (A.I.) – 24.02.2025