Cine Mut: une zornade dedicade aes feminis

Vinars ai 13, inte suaze des Zornadis dal cine mut di Pordenon, al vignarà consegnât il Premi internazionâl Jean Mitry, assegnât a dôs personalitâts o istituzions che si son distintis inte opare di recupar, valorizazion e difusion dal patrimoni cinematografic, in particolâr di chel mut. Pal secont an daûr di chel altri, al ven dât a dôs feminis: Natlia Noussinova e Heide Schlüpmann. Daspò de cerimonie, spazi a une gruesse stele dal cine des origjins: Mae Murray (1885-1965), protagoniste dal cine “Circe the Enchantress”, (Circe la maghe, dal 1924), calcolât pierdût e cjatât fûr intal Archivi di Praghe. (A.I.) – 12.10.2023