87
La Zerorchestra e siere la rassegne di cine sot des stelis ae Arene Hera di Largo San Giorgio a Pordenon, miercus ai 23, cul cine conciert “The Freshman (Viva lo sport!)”. La orchestre di Cinemazero e fâs ancjemò une volte un omaç al gjeni dal cine mut Harold Lloyd, cul cine prodot intal 1925 dal stes comic, calcolât il gjeni de comicitât di Hollywood cun Charlie Chaplin e Buster Keaton. La gnove colone sonore componude pe ocasion di Mirko Cisilino si ispire aes atmosferis jazz dai agns Vincj dal secul passât e e vignarà fate da musiciscj di Zerorchestra al complet. (A.I.) – 21.08.2023
