“CinemaDivino”: produzions furlanis in cantine

Siet seradis cun siet cines di autôr, compagnâts di bon vin e mangjative: joibe ai 22 si tornin a impiâ i schermis di CinemaDivino, la rassegne itinerante di Cinemazero, fate in colaborazion cu lis feminis dal vin. Il prin apontament al è inte cantine Bagnarol di S. Vît dal Tiliment cun “Piccolo Corpo” di Laura Samani, za premiât plui di une volte. E sarà presinte la produtore, Nadia Trevisan, titulâr di Nefertiti Film, che e à la sede propit a S. Vît, par contâ il prin lavôr de regjiste triestine: un drame garp e misteriôs, ambientât inte mont furlane ai prins dal ‘900. Lis seradis di CinemaDivino, che a laran indevant fin ai 3 di Avost, a scomencin aes 7:30 sot sere cuntun aperitîf e la visite in cantine, par dopo passâ a cene e proiezion dal cine, cuntun biliet unic. (A.I.) – 21.06.2023