Cinemazero: grancj numars ancje in Istât

Un belanç plui che positîf, chel dal Istât cinematografic fat di Cinemazero, che sabide ai 24 al torne a vierzi lis sôs salis al sierât, ma che al à viodût il so impegn e la sô presince sul teritori, al viert, rivâ a grancj numars ancje intai mês plui cjalts dal an, cun passe cent avigniments e di là di cuindis mil spetatôrs. Al è il risultât di vincjecinc proiezions inte Arene di Larc Sant Zorç cul “Cine sot des stelis” par sîs mil spetatôrs, plui vot apontaments gratuits te Arene UAU!, là che a son stâts presentâts ancje i documentaris al viert, su progjet di “Pordenone Docs Fest”. Il stes lûc al à ospitât la vincjesime edizion dal FMK – International Short Film Festival, la rassegne dal curtmetraç. No je mancjade nancje chest an la rassegne “Cinemadivino”, cun vot avigniments in cantinis prestigjosis dal teritori, coniugant il bon vin al cine di cualitât. E ancje “Ciac, si gira!”: cincuante proiezions in comuns diferents par un totâl di siet mil personis. (A.I.) – 23.08.2024