Cividât, al torne il Mittelteatro dai fantats

ll “Mittelteatro” dai fantats pai fantats di Cividât al torne a tacâ cun cinc zornadis li dal teatri “Ristori” fint ai 31 di Mai. Mil e dusinte i arlêfs coinvolts, di scuelis dal nestri teritori, ma ancje dal forest (Seeboden in Austrie, Kobarid e Bovec in Slovenie). La novitât di chest an e je che il Mittelteatro si vierç ancje aes scuelis superiôrs e ai students universitaris, in graciis di dôs iniziativis a lôr dedicadis. La prime e sarà miercus ai 29, cun doi spetacui teatrâi anticipâts dai intervents di Giacomo Pedini, il diretôr artistic dal “Mittelfest”, che al presentarà il “Mittelyoung” di Lui, e di Alberto Bevilacqua, president dal Ert dal F-Vj. (A.I.) – 28.05.2024