Cjançons di cent agns indaûr cun Les Babettes

Tierç apontament dal calendari de vincjesime seste edizion dal festival internazionâl di musiche e teritoris “Nei suoni dei luoghi” (Intai sunôrs dai lûcs). Miercus ai 19 li de Vile Italie di Martignà al è di sene il spetacul dal titul “Un viaggio retrò nel swing” (Un viaç di epoche intal swing). Protagonist al è il tercet vocâl triestin dut al feminin Les Babettes, che al torne a interpretâ i grancj classics dal swing talian e american, ripassant ciertis musichis che a àn caraterizât il periodi di splendôr massim di Vile Italie. Eleonora Lana, Anna De Giovanni e Chiara Gelmini, acompagnadis di un cuartet jazz, a presentaran i sucès intramontabii dal TrioLescano e altris tocs iconics de musiche taliane. (A.I.) – 18.06.2024