Cjançons in rime par fruts tal Auditorium “San Zorz”

Miercus ai 22 aes 9.30 di matine, l’Auditorium San Zorz di S. Zorç di Noiâr al ospite il decim prin e ultin apontament de rassegne “Ti racconto la mia musica” (Ti conti la mê musiche). Il spetacul teatrâl par fruts “Belle bestie” (Bielis bestiis), di e cun Giovanna Pezzetta, Leo Virgili e Stefano “Gion” Fattori, al è un viaç tra peraulis, musiche e imagjins che al conte une sfilade simpatiche e poetiche di animâi. Ogni creature, dal cesen ae pavee, dal grison al lacai, al riclame la proprie bielece e unicitât, sfidant i stereotips e celebrant il valôr di ogni vivent. I fruts, traviers cjançons in rime, ritmis musicâi e filastrocjis, a saran cjapâts dentri intune esperience interative fate di vôs, moviment e divertiment, scuvierzint che la bielece si scuint in ogni detai, ancje in chei plui inspietâts. (A.I.) – 21.01.2025