“Claps e peraulis”, un cine par Rosanna Paroni Bertoja

Dopo il sucès dal documentari “Ulderica, fruta di mont” su la fotografe Ulderica Da Pozzo presentât in anteprime a Pordenone Docs Fest, il regjist furlan Stefano Giacomuzzi al conte in “Claps e peraulis” la poetesse Rosanna Paroni Bertoja, une figure di riferiment pal mont de culture de ex provincie di Pordenon, presidente dal Circul “Menocchio” di Montreâl. Il cine, prodot de udinese Agherose cu la poie dal Fondo per l’audiovisivo dal F-Vj, al sarà presentât in anteprime miercus ai 13 a “Poesia doc”, la propueste di Cinemazero pe ventesime cuarte edizion di “pordenonelegge”: cuatri documentaris che a contin autôrs e autoris dal teritori. Il titul dal cine al ricjape chel de racuelte di poesiis “Claps e peraulis”, dal 1980, premiât de Filologjiche. (A.I.) – 13.09.2023