Claudio Baglioni a Udin e Gurize: “No je finide chi!”

Un dai cjantants plui famôs di Italie, Claudio Baglioni, al torne a sunâ dal vîf in regjon inte suaze dal so tour “Dodici note solo bis”, dome tai teatris. Di bessôl ae vôs, al piano e altris struments, al presentarà lis cjançons plui preziosis dal so repertori, la sintesi di une cariere tra musiche e poesie: ultin ricognossiment, propit la vitorie dal Premio Tenco 2022. Baglioni al sarà miercus ai 14 al Teatri Gnûf “Giovanni da Udine” e il dì dopo al ‘Verdi’ di Gurize, par dopo ae fin di Zenâr dal 2023 a Triest. I ultins biliets a son ancjemò in vendite sul circuit Ticketone e intai teatris. «O soi ae fin di une aventure professionâl lungje e fantastiche – al à marcât Baglioni, presentant il tour – ma nol finìs chi. Se il public al clame, l’artist al à di tornâ in sene pal bis”. (A.I.) – 13.12.2022