Concato, un cjantautôr poete tal “Teatron”

Un apontament di no podê pierdi cu la grande musiche taliane di autôr: miercus ai 8 tal Teatri Gnûf “Giovanni da Udine”, Fabio Concato al vuide il public intun viaç cjariât di ricuarts e emozions tra i siei sucès, traviers atmosferis musicâls dutis di discuvierzi, tacant des sôs primis cjançons par rivâ fin ai tocs plui resints. Cun lui sul palc dal “Musica Ambulante Tour” i siei musiciscj amîs: une ocasion par scoltâ no dome che i siei grancj sucès, ma ancje tancj altris tocs dal repertori siôr di un grant interprete de sene musicâl taliane, che al crôt ancjemò inte poesie. E che vie pai agns al à savût ritaiâsi un spazi impuartant, contant in mût personâl lis piçulis grandis storiis de cuotidianitât. (A.I.) – 07.05.2024