La Fondazion Aquilee e inmanee, in colaborazion cul Mittelfest, un conciert sugjestîf al cricâ dal dì, vinars ai 21 aes 5 di matine inte aree archeologjiche dal puart fluviâl antîc de citât romane. L’avigniment a jentrade libare al è organizât ancje in graciis de colaborazion dal Comun di Aquilee, de Sorintendence archeologjie bielis arts e paisaç dal F-Vj e de Associazion Imprenditôrs di Aquilee. Protagonistis dal conciert la violiniste Anaïs Drago, che si môf tra lis sonoritâts de improvisazion libare, de musiche eletroacustiche, classiche e jazz, e la argjentine Luciana Elizondo, che e colabore cun diviers grups di musiche antighe. Il progjet musicâl “Invenzions a dôs vôs” al tache di Bach e al rive a monts contemporanis, sedi cults, sedi popolârs. (A.I.) – 19.06.2024
Foto (c) dal Mittelfest
