Conciert di Nadâl pai migrants a Udin

Conciert e ghiringhel di Nadâl in Borc Stazion a Udin, joibe ai 21 li dal “Spazio 35” in vie Caterina Percoto, pal progjet “Nuovi Binari“ (“Gnûfs Binaris”) 2023-2024. “In un mare di voci” (“Intun mâr di vôs”) al è il titul dal avigniment e ancje dal prin album publicât de cjantautore Nicoletta Taricani, un manifest in musiche pai dirits umans, che al conte il viaç dai migrants traviers il Mediterani bande la Europe, doprant la lenghe potente de musiche tant che veicul di espression. Cu la cjantante a sunaran Giulio Scaramella, Alessio Zoratto e Emanuele Donadelli, ducj preseâts musiciscj de sene jazz furlane. (A.I.) – 19.12.2023