Conciert in cjistiel: Roy Paci aes 7 di buinore

Al è un dai avigniments dal Istât musicâl de capitâl, ideât za intal 2015 dal Comun di Udin in colaborazion cun VignaPR e FVG Music Live. Sabide ai 6 di Lui tal Cjistiel di Udin, cun jentrade sore nuie fint a esauriment dai puescj e il conciert che al tache aes 7 di buinore, il protagonist de edizion 2024 dal “Conciert dal Jevâ” al sarà Roy Paci, une des figuris plui carismatichis e poliedrichis dal panorame musicâl talian, che al à cjapât pît ancje su la sene internazionâl, gracie ancje aes colaborazions cun Manu Chao, Mike Patton, Negrita, Vinicio Capossela e cetancj altris. Il trombetist sicilian al à volût creâ un progjet inedit e origjinâl: la Roy Paci Experience. (A.I.) – 05.07.2024

Foto di M. Maiorana