Conciert in ricuart di pre de Roja

La Associazion “Amici di don Emilio de Roja”, fondade intal lontan 1995 par mantignî vîf il ricuart dal predi dai ultins, il “don Bosco” dal Friûl, e inmanee di cetancj agns ai 8 di Dicembar un conciert speciâl par onorâ pre Emilio, la sô ativitât e la Cjase de Imaculade, dulà che a son ospitâts une sessantine di fantats minôrs. Chest an il Conciert de Imaculade al è stât organizât in colaborazion cu la Corâl dal Friûl-Vignesie Julie, che midiant il diretôr Cristiano Dell’Oste e je rivade a cjapâ dentri l’ensemble argjentin  “La Chimera”, a sunâ ator pe Italie, par disvilupâ il progjet “Pequenas Huellas” pai fruts di dut il mont. Il conciert si fasarà tal Domo di Udin aes 8.45 sot sere. (A.I.) – 06.12.2024