Conciert insolit a Cividât cu lis ‘Aganis’

E va indevant domenie ai 12, aes 4 dopomisdì inte Glesie di S. Pieri a Cividât, la decime prime edizion dal Festival “Udine Castello”, inmaneât dai Amîs de Musiche di Udin. Chest an il teme condutôr al è “Agnui e segretis”, ae scuvierte di patrimonis pôc cognossûts e di grande sugjestion tant che i agnui su tors e cjampanii e lûcs scuindûts tant che presons, baluarts e bastions. Une rassegne di alt valôr culturâl a fuarte valence turistiche, cun apontaments musicâi e visitis vuidadis. Il grup di flauts ‘Le Agane’, adun cun Luisa Sello, al presentarà un program insolit, bon di proponi l’incuintri di sun e moviment passant l’orizont e lis barieris de espression artistiche. Prime dal conciert al sarà ancje pussibil visitâ l’ipogjeu celtic acompagnâts di speleolics. (A.I.) – 11.05.2024